ការផ្ញើខ្សែភាពយន្តបានបញ្ចប់ ៖ អ្នកឈ្នះរង្វាន់បានប្រកាសកាលពីថ្ងៃទី២៥ ខែវិច្ឆិកា
ការប្រកួតភាពយន្ដខ្លី#ហេតុអ្វីត្រូវបញ្ឈប់ ផ្ដល់ឱកាសឱ្យអ្នកបង្ហាញពីសាច់រឿង គំនិត និងទស្សនៈរបស់អ្នក ទៅលើការបៀតបៀនផ្លូវភេទ។ ចាប់ផ្តើមនិយាយឡើង និង បង្ហាញផ្លូវ។ មានមូលហេតុរាប់ពាន់ពីហេតុអ្វី ការបៀតបៀនផ្លូវភេទត្រូវតែបញ្ឈប់។ សូមអានការណែនាំនៃការប្រកួត អ្នកប្រាប់យើងពីមូលហេតុរបស់អ្នក។
ការណែនាំនៃការប្រកួតភាពយន្តខ្លី#ហេតុអ្វីត្រូវបញ្ឈប់៖
-
ខ្សែភាពយន្តទាំងអស់ត្រូវប្រាប់យើងអំពី #ហេតុអ្វីត្រូវបញ្ឈប់
-
ខ្សែភាពយន្តទាំងអស់ត្រូវមានរយៈពេល ពី១នាទីទៅ៥នាទី
-
ខ្សែភាពយន្តទាំងអស់ត្រូវផលិតដោយយុវជនកម្ពុជាដែលរអាយុចាប់ពី ១៥ ដល់ ២៩ឆ្នាំ
-
ខ្សែភាពយន្តទាំងអស់ត្រូវតែជាខ្សែភាពយន្តដើម (មិនចម្លងពីគេ)
-
ខ្សែភាពយន្តទាំងអស់ត្រូវផ្ញើមកអោយបានត្រឹមម៉ោង៥រសៀលនាថ្ងៃច័ន្ទ ទីទី១៧ តុលា ឆ្នាំ២០១៦។
ចំពោះព័ត៌មានបន្ថែម សូមអាន "លក្ខខណ្ឌនៃការប្រកួតភាពយន្ដខ្លី" នៅទីនេះ។ លេខទំនាក់ទំនង៖ ០៩៨ ៥៦២ ៣២៣ ឬ អ៊ីម៉ែល៖ info.whystop@careint.org .
អ្នកណាអាចចូលរួមបាន?
រាល់យុវជនកម្ពុជាដែលរៀននៅវិទ្យាល័យ សាកលវិទ្យាល័យ ឬក្រុមយុវជនដែលមានអាយុចាប់ពី ១៥-២៩ឆ្នាំ។ ស្រ្ដីក៏អាចចូលរួមក្នុងដំណើរការផលិតបានដែរ ប៉ុន្តែភាពយន្តត្រូវតែឆ្លុះបញ្ចាំងពីសំឡេងនៃការយល់ ឃើញរបស់បុរស។
របៀបដាក់ពាក្យចូលរួម?
ចំពោះការបង្កើតខ្សែភាពយន្តក្នុងការប្រកូតប្រជែងនេះមានច្រើនរបៀបណាស់ដែលអ្នកអាចជ្រើសរើសបាន នេះ។ អ្នកអាចនិយាយទៅកាន់កាមេរ៉ា ថតវីដេអូមិត្តភកិ្តរបស់អ្នកនៅក្នុងសាច់រឿងមួយ ការបង្កើតជារឿងមួយ គូររឿងតុក្កតា សម្ភាសន៍បុរស ឬស្រ្ដីនៅសាលា ឬសហគមន៍របស់អ្នក ជជែកជាមួយចាស់ទុំរបស់អ្នក។ អ្នកចង់ថតរបៀបណាក៏បានដែរ ឱ្យតែសាច់រឿងរបស់អ្នកមានរយៈពេលចន្លោះពី១-៥ នាទី ហើយប្រាប់យើងពីមូលហេតុថា ហេតុអ្វីការបៀតបៀនផ្លូវភេទជាបញ្ហាមួយដ៏សំខាន់ និង ហេតុអ្វីវាត្រូវតែបញ្ឈប់។ អ្នកអាចស្វែងរកពត៌មានមួយចំនួនទៀតដើម្បីជួយអ្នកបាននៅទីនេះ។
នៅពេលអ្នកផលិតភាពយន្តរបស់អ្នករួចរាល់ហើយអ្នកអាច៖
១. បញ្ជូនភាពយន្តរបស់អ្នកតាមរយៈអ៊ីនធឺណែត - ឥឡូវនេះ ការផ្ញើខ្សែភាពយន្តបានបញ្ចប់!
ឬក៏ ២.ទូរស័ព្ទមកលេខ ០៩៨ ៥៦២ ៣២៣
តើអ្នកអាចឈ្នះរង្វាន់អ្វី?
មានរង្វាន់ដ៏អស្ចារ្យជាច្រើនសម្រាប់អ្នកចូលរួម ដែលក្នុងនោះមានទាំងរង្វាន់បច្ចេកវិទ្យាទំនើបចុងក្រោយគេ បង្អស់ ដែលឧបត្ថម្ភដោយក្រុមហ៊ុនសូនី។ គណៈកម្មការនិងជ្រើសរើសខ្សែភាពយន្តដែលល្អបំផុតចំនួន ១៦ ដោយផ្តោតសំខាន់លើ ភាពឆ្នៃប្រឌិត អត្ថន័យ និងសារបស់ពួកគេ។ ខ្សែវីដេអូភាពយន្តទាំង១៦ ចុងក្រោយ នឹងទទួលបានកញ្ចប់រង្វាន់ជាច្រើន។ គណៈកម្មការនិងបន្តជ្រើសរើសអ្នកឈ្នះរង្វាន់៣នាក់ ដែលជាការ ជ្រើសរើសពីទស្សនិកជន។ការជ្រើសរើសនេះនឹងធ្វើឡើងក្រោមការបោះឆ្នោតពីទស្សនិជនតាមរយៈប្រព័ន្ធអេឡិចត្រូនិក។
អ្នកចូលរួមនឹងមានឱកាសឈ្នះបានពានរង្វាន់ និងទទួលបានរង្វាន់ដូចខាងក្រោម ៖
-
កាមេរ៉ា Sony A6000 និង ប្រាក់រង្វាន់ចំនួន ៣០០ដុល្លាអាមេរិក នឹងផ្តល់ទៅដល់ផលិតករដែលមាន អាយុក្រោម២០ ឆ្នាំ
-
កាមេរ៉ា Sony A6000 និង ប្រាក់រង្វាន់ចំនួន ៣០០ដុល្លាអាមេរិក នឹងផ្តល់ទៅដល់ផលិតករដែលមាន អាយុលើស២០ ឆ្នាំ
-
កាមេរ៉ា Sony A6000 និង ប្រាក់រង្វាន់ចំនួន ៤០០ដុល្លាអាមេរិកសម្រាប់រឿងដែលល្អបំផុតទូទៅ
-
កាមេរ៉ា Sony A6000សម្រាប់ផលិតករឈ្នះរង្វាន់ទស្សនិកជន
ពេលណាត្រូវផ្ញើខ្សែភាពយន្តរបស់អ្នក?
ការប្រកួតប្រជែងនេះនឹងចាប់ផ្តើមពីថ្ងៃទី២២ កក្កដា ដល់ ម៉ោង ៥ រសៀល នៃថ្ងៃទី១៧ តុលា ២០១៦ ។ ការប្រកាសលទ្ធផលនឹងធ្វើនៅថ្ងៃទី២៥ វិច្ឆិកា ២០១៦ ដែលជាថ្ងៃ នៃការចាប់ផ្តើមយុទ្ធនាការ១៦ថ្ងៃ ដើម្បីបញ្ឈប់អំពើហិង្សាលើស្រ្ដី។
តើអ្នកអាចមើលខ្សែភាពយន្តរបស់អ្នកនៅឯណា?
អ្នកអាចមើលខ្សែភាពយន្តរបស់អ្នកនៅក្នុងរោងភាពយន្ដ។ ការប្រកួតភាពយន្ដខ្លី#ហេតុអ្វីត្រូវបញ្ឈប់ នឹងត្រូវបញ្ជប់ដោយការមានរាត្រីប្រគល់ពានរង្វាន់ដែលជាផ្នែកមួយនៃយុទ្ធនាការ១៦ថ្ងៃដើម្បីបញ្ឈប់អំពើហិង្សាលើស្រ្ដីនៅក្នុងខែវិច្ឆិកាឆ្នាំ២០១៦ ដែលគាំទ្រនិងធ្វើឡើងនៅរោងភាពយន្ត Major Cineplex និង Cellcard នៅផ្សាទំនើបអ៊ីអនម៉ល ។ខ្សែភាពយន្តខ្លីទាំង១៦នេះនឹងត្រូវចាក់បញ្ចាំងហើយអ្នកឈ្នះនឹងត្រូវបាន ប្រកាសនៅទីនោះផងដែរ។
លក្ខខណ្ឌនៃការប្រកួតភាពយន្ដខ្លី#ហេតុអ្វីត្រូវបញ្ឈប់ សូមអានដោយយកចិត្តទុកដាក់
១. ខ្សែភាពយន្តទាំងអស់ត្រូវមានរយៈពេលចន្លោះពី ១-៥ នាទី។
២. ខ្សែភាពយន្តទាំងអស់ត្រូវផលិតដោយយុវជនកម្ពុជា ដែលជាសិស្សនិស្សិតភេទប្រុស មកពីវិទ្យាល័យ សាកលវិទ្យាល័យ ឬក៍ជាសមាជិកនៃក្រុមយុវជនដែលមានអាយុចាប់ពី១៥ដល់២៩ឆ្នាំ។ សំគាល់៖ សម្រាប់អ្នកផលិតដែលមានអាយុក្រោម១៨ឆ្នាំត្រូវសុំការអនុញ្ញាតពីឪពុកម្តាយឬ អាណាព្យាបាល។
៣. ខ្សែភាពយន្តទាំងអស់ត្រូវតែជាខ្សែភាពយន្តដើម ដែលផលិតដោយយុវជនផ្ទាល់ ឬក្រុមការងាររបស់ពួកគេ។
៤. ខ្សែភាពយន្តទាំងអស់ត្រូវប្រាប់យើងថា #ហេតុអ្វីត្រូវបញ្ឈប់។ ហេតុអ្វីបានជាការបៀតបៀនផ្លូវភេទទៅលើស្រ្តីត្រូវតែបញ្ឈប់។
៥. ខ្សែភាពយន្តទាំងអស់ ត្រូវតែមានលក្ខណៈសមរម្យសំរាប់គ្រប់វ័យ ជៀសវៀងរូបភាពមិនសមរម្យ (ដូចជាឃាតកម្ម ការប្រើប្រាស់គ្រឿនញៀន ហិង្សា) ខ្លឹមសារផ្លូវភេទ រឺនយោបាយ
៦. អ្នកផលិតខ្សែភាពយន្តទាំងអស់ត្រូវអាន និងប្រកាន់ខ្ជាប់ការណែនាំគោលនយោបាយកិច្ចការពារកុមាររបស់អង្គការឃែរកម្ពុជា
៧. អ្នកផលិតខ្សែភាពយន្តត្រូវតែមានការអនុញ្ញាតពីតួសម្ដែងទាំងអស់ដែលមានបង្ហាញនៅក្នុងរឿង
៨. ភ្លេងនៅក្នុងរឿងត្រូវតែជាបទដើម ឬទទួលបានសិទ្ធពីការថតចម្លង
៩. អ្នកផលិតខ្សែភាពយន្តដែលជាប់ទៅវគ្គផ្តាច់ព្រ័ត្រនឹងត្រូវបានអញ្ជើញទៅចូលរួមកម្មវិធីប្រគល់ពានរង្វាន់ដែលប្រារព្ធនៅខែ វិច្ឆិកា ឆ្នាំ ២០១៦ ។
១០. ការសម្រេចចុងក្រោយជាការវិនិច្ឆ័យរបស់គណៈកម្មាការ ការទំនាក់ទំនងជាមួយ គណៈកម្មាការនឹងត្រូវបានធ្លាក់ដោយស្វ័យប្រវត្តិ រង្វាន់ដែលទទួលបានមិនអាចប្តូរជារបស់ផ្សេង ឬក៏ជាសាច់ប្រាក់បាននោះទេ។
១១. អង្គការឃែរទទួលបានសិទ្ធិក្នុងការប្រើ ឬបញ្ចាំងភាពយន្ដខ្លីទាំងនេះ ក្នុងសកម្មភាពផ្សេងៗរបស់អង្គការឃែរអ្នកផលិតខ្សែភាពយន្តទាំងនេះនឹងទទួលបានការបង្ហាញឈ្មោះ និងការផលិត សម្រាប់រាល់ការប្រើប្រាស់ទាំងអស់។មុនពេលចាប់ផ្តើមថត អ្នកផលិតខ្សែភាពយន្តត្រូវមានលិខិតអនុញ្ញាតពីឪពុកម្តាយ ឬ អាណាព្យាបាល។
បើមានចម្ងល់ អាចទំនាក់ទំនងទៅកាន់លេខទូរសព្ទរបស់យើង៖ ០៩៨ ៥៦២ ៣២៣
គោលនយោបាយកិច្ចការពារកុមាររបស់អង្គការឃែរកម្ពុជាសម្រាប់ការបង្កើតខ្សែភាពយន្ត
មុនពេលចាប់ផ្តើមថត អ្នកផលិតខ្សែភាពយន្តត្រូវមានលិខិតអនុញ្ញាតពីឪពុកម្តាយ ឬអាណាព្យាបាល។ សម្រាប់អង្គការឃែរកម្ពុជា កុមារសំដៅទៅលើជនទាំងឡាយណាដែលមានអាយុក្រោម ១៨ឆ្នាំ។ ឪពុកម្តាយ ឬអាណាព្យាបាល និងអ្នកពាក់ព័ន្ធទាំងឡាយក្នុងការថត ត្រូវដឹងពីខ្លឹមសារ គោលបំណង ក្នុងការផលិតភាពយន្តខ្លី និងការផ្សព្ចផ្សាយរបស់ភាពយន្តហើយនិងឱ្យកិច្ចព្រមព្រៀងពេញលេញក្នុង ការថតរឿងនេះ។ ខ្សែភាពយន្តទាំងឡាយមិនត្រូវបានទាមទារឱ្យដាក់ឈ្មោះពេញ ឬទីតាំងស្នាក់នៅ របស់កុមារដែលបានចូលរួមឡើយ ដើម្បីការពារនូវអត្តសញ្ញាណនានា រួមទាំងអាសយដ្ឋានរបស់កុមារ។អ្នកផលិតភាពយន្តខ្លីទាំងអស់ត្រូវធានាថា រូបភាពកុមារនឹងស្ថិតក្នុងសភាពថ្លៃថ្នូរ និងទទួលបានការគោរព ដោយមិនបង្ហាញរូបភាពណាដែលធ្វើឱ្យកុមារមានភាពងាយរងគ្រោះ និងបង្ហាញពីការធ្វើបាប លើកុមាររ។ អ្នកផលិតខ្សែភាពយន្តត្រូវធានាថា តួនៅក្នុងរឿងទាំងអស់ត្រូវមានសំលៀកបំពាក់ រួមទាំងកុមារដែលជាប់នៅខាងក្រោយប្លង់ផងដែរ។ កុមារត្រូវតែទទួលបានការគោរពដោយមិនគិតពីភាសា ពូជសាសន៍ ពណ៌សម្បុរ ភេទ សាសនា ទស្សនៈនយោបាយ សញ្ជាតិ ជនជាតិ ពិការភាព ឬក៏ក្នុង ស្ថានភាពដទៃទៀត។ ការប្រើប្រាស់ពាក្យសម្តី និងអាកប្បកិរិយាទៅលើកុមារដែលមិនសមរម្យ ការបៀតបៀនការកេងប្រវ័ញ្ច ការរំខានផ្លូវភេទ និងការប៉ះពាល់វប្បធម៌ មិនគួរត្រូវបានប្រើប្រាស់ឡើយ។
តើអ្នកណាជាអ្នកដែល មានទេពកោសល្យរបស់អ្នក?
សូមអានសេចក្តីណែនាំ មូលដ្ឋាននេះដោយប្រុងប្រយ័ត្នពីអ្នកដែលអាចជាតួអង្គក្នុងរឿងរបស់អ្នក
ចំណាំ៖ សូមអាន សេចក្តីណែនាំនេះ ដោយយកចិត្តទុកដាក់មុនពេលអ្នកចាប់ផ្តើមការថតរឿងរបស់អ្នក
ការប្រកួតភាពយន្ដខ្លី #ហេតុអ្វីត្រូវបញ្ឈប់ រៀបចំដោយ GoodMorning BeautifulFilms សម្រាប់អង្គការឃែរកម្ពុជា។ យុទ្ធនាការនេះអាចប្រព្រឹត្ដទៅ បានដោយមានការគាំទ្រថវិកាពីអង្គការ UN Trust Fund to End Violence Against Women និង រដ្ឋាភិបាលអូស្រ្តាលី។ #ហេតុអ្វីត្រូវបញ្ឈប់ ក៍មាន ការឧបត្ថម្ភផងដែរពី Major Cineplex by Cellcard, Sabay News និង Sony.
Photo credits: CARE/GMBFilms